C. BL Cotton Claudius C. ix, 106rv: copy, s. xii
Rubric: Carta regum Æðelbaldi et Æthelhardi.

D. BL Cotton Claudius B. vi, 13r: copy, s. xiii
Rubric: Carta Æðelbaldi regis West Saxonum de Wachenesfeld.

Domino regnorum regna regenti, iura imperiorum disponenti, semper gloria.INVOCATION Precedentium etenim temporum antiquitate ac diuersitate succedentium imperiorum a predecessoribus prouide plura disposita, ignorantie caligine iccirco cassabuntur, dum litterarum notis origo institutionum minime deprehenditur tradita. Ne qua uero ex accidenti obiectione posteris dissensio oriatur, prout pridem censuit peritorum constitutio ueluti uice testamenti stilo edenda ac iure sunt hereditaria successoribus relinquenda, ut seculis et generationibus ueritas in preteritis actibus declaretur.PROEM Quam ob rem utile uisum ac necessarium fore iudicauimus dilucide huic scedule describere quantitatem terre monasterii fundato in honore sancte Dei genitricis Marie semper uirginis, situm e latere montis Ebbandune, cui uenerabilis presidet usque hodie abbas Cumma . Nam ex utraque parte fluuii Tamise cis citra suis antecessoribus ad ius monasterii prefati quedam territoria collata fuerant. Plaga predicti fluminis occidentali data in Dei oblatione terra his Saxonum regibus, Cissa , Ceadwalla , Ini , quantitate huius numeri .ccl. cassatuum continentur. Plaga uero orientale Mercie [ ] potentissimi reges ad sustentationem Dei seruorum suprafato monasterio terram hac supputatione manentium .xx., qui additis uocabulis inspiciantur Æthelred , Cuthred, Coenred. Insuper et rex Æthelbaldus suam specialiter oblationem monasterio eidem obtulit, locoque in Wacenesfeld .xxvii. cassatos dedit, alibi quoque iuxta riuum Geenge .x. erogauit. Prescriptas quoque preteritorum regum donationes una cum suis presulibus et principibus sed et optimatibus perhenniter Dei cultui eodemque monasterio prefato firmauit, quorum nomina subscriptionibus annexa declarantur. Æthelbaldus Brittannie Anglorum monarchus preformatas propinquorum sed et regum donationes hoc signo + firmauit.
Ego Daniel plebi Dei famulus canonica subscriptione manu propria + firmaui.
Ego Wor episcopus hanc donationem + subscripsi.
Ego Forthere episcopus in Banesinga uilla iubente rege crucis signum + infixi.
Ego Walcstod episcopus signum crucis + ad confirmationem imposui.

Ego Æthelhardus hanc suprafatam donationem sancto hoc signo + una cum comitibus supter nominatim descriptis roboraui, in expeditione ultra fluuium Sabrina aduersus Britonum gentem.