Offan Freols.

+ In nomine Dei summi .INVOCATION Tempora temporibus subeunt . et vicissitudinum spatiis evenit ut prisca jam dicta inrita fiant nisi scriptis confirmemur . Quare ego Heaðoredus . Deo dispensante supplex Huicciorum episcopus . insimul etiam cum consensu et consilio totius familiæ meæ quæ est . in Uuegerna civitate constituta . diligentissime scrutans cogitavi atque de pace . vel statu ecclesiastica rimatus sum . Equidem de aliquibus agellis conflictationis quærulam cum Offano rege Merciorum dominoque dilectissimo nostro habuimus . Aiebat enim nos sine jure hereditario propinqui ejus Æðelbaldi scilicet regis hereditatem sub domin'i'o injusto habere id est . in loco qui dicitur . æt Beaþum . xc manentium . et in aliis multis locis . hoc est . æt Stretforda . xxx . cassatos . æt Sture . xxxviii . Simili etiam vocabulo . æt Sture in Usmerum . xiiii . manentium . æt Breodune . xii . in Homtune . xvii . cassatorum . Hæc autem præfata contentionis causa in sinodali conciliabulo demissa in loco qui dicitur æt Bregentforda . reddidimus quoque illo jam nominato regi Offan . monasterium illud celeberrimum . æt Baþum . sine ullo contradictionis obstaculo . ad habendam vel etiam cui dignum duxisset ad tribuendum semperque perfruendum justis ejus heredibus libentissime concessimusDISPOSITIVE WORD . et in australe parte fluminis ibi juxta quod dicitur Eafen . xxx . cassatos addidimus quam terram mercati sumus digno prætio a Cynewulfo rege Uuestsæxna . Quapropter idem ille præfatus rex Offa . ad reconpensationis satisfactionem . et pro unanimitate firmissimæ pacis præfata loca . æt Stretforda . æt St(r)ure . æt Breodune . in Homtune . æt Sture . in Usmerum . extra omni contraversionis et ammonitionis causa . ea libertate ad supradictam ecclesiam nostram . id est in Uuegerna civitate . libertas concessit ut nullo majore cessu alicujus rei essent . Subjectæ quam præmemorata . sedis episcopalis . Nec non et trium annorum . ad se pertinentes pastiones . id est . vi . convinia libenter concedendo largitus est . Nunc ergo ego Offa Dei gratia rex præscripta[m] libertatem terrarum pro remedio animæ meæ concessam in synodo . æt Bregent forda una mecum consedente Iamberhto . archi . episcopo . nec non omnes episcopi abbates . et principes consenserunt et subscripserunt . propria manu signum sacratissimæ crucis Christi pro firmitatis stabilimento conscripsi ; Conscripta est hæc cartula . æt Bregent fordaPROMULGATION PLACE ; Anno ab incarnatione Christi . dcclxxxi . Indictione . iiiita .DATING CLAUSE

+ Offa rex Merciorum .
+ Brorda princeps .
+ Berhtuuald princeps .
+ Eadbald princeps .
+ Esne princeps .
+ Eadbald princeps .
+ Eadberht princeps .
+ Diera episcopus .
+ Æþeluulf episcopus .
+ Heardred episcopus .
+ Iænbert archiepiscopus .
+ Eadberht episcopus .
+ Hygeberht episcopus .
+ Æþelmod episcopus .
+ Ecgbald episcopus .
+ Eeoluulf episcopus .
+ Heaþoredus episcopus .
+ Gislhere episcopus .
+ Eadberht episcopus .
+ Aldberht episcopus .