Archive: Abingdon

A.D. 835 (Dorchester-on-Thames, Oxon.). Egbert, king of Wessex, to Abingdon Abbey; grant of 50 hides (manentes) at Marcham, Berks. Latin.

 

In nomine Dei et Domini nostri Iesu Christi redemptoris mundi.INVOCATION Anno dominice incarnationis .dcccxxxv., indictione .xiii.DATING CLAUSE Ego Ecgbert rex occidentalium Saxonum dediDISPOSITIVE WORD monasterium illud Mercham quinquaginta manentium ad Abbendune, cum licentia et consensu totius nostre gentis et unanimitate omnium optimatum. Hec donatio fuit facta in Pascha in Dorchecestre, et posterea uice eandem donationem liberaliter in Natali confirmauimus, anno imperii nostri .xxxiiii.DATING CLAUSE Et sic mandamus in nomine patris et filii et spiritus sancti, ut nullus superueniat hominum ibi superbia inflatus, nec rex suum pastum requirat, uel habentes homines quos nos dicimus festigmen, nec eos qui accipitres portant uel falcones uel caballos ducunt siue canes; nec penam mittere super eos quoquomodo audeat nec princeps nec graphio hanc lenitatem prefatam in alicuius honeris molestiam mutare audeat aut in diebus nostris uel successorum nostrorum. Si pro aliquo delicto accusatur homo Dei ecclesie ille custos solus cum suo iuramento si audeat illum castiget, sin autem ut recipiat alienam iusticiam huius uicissitudinis conditionem prefatum delictum cum simplo precio componat. Quid plura? Ne cui hominum per uim aliquid ibi tribuatur, neque in palefridis, neque in refectiones, sed ab his omnibus liber permaneat. De illa autem tribulatione que witereden nominatur sit libera, nisi tamen singuli(?) pretium soluerit ut talia accipiant. Fures quoque quos appellant weregeld ðeofas si foris rapiantur, pretium eius dimidium illi ecclesie et dimidium regi detur. Et si intus rapitur totum reddatur ad ecclesiam. Similiter de hereditate peregrinorum, id est Gallorum et Brittonum et horum similium ecclesie reddatur. Pretium quoque sanguinis peregrinorum, id est wergeld, dimidiam partem rex teneat, dimidiam ecclesie antedicte reddant. Silua quoque omnis que illi ecclesie et suburbanis eius suppetit, in omnibus causis sit libera et non secetur ibi ad regis uel principis edificia aliqua pars materie grossi uel gracilis, sed ab omnibus defensa et libera maneat. Si quis autem prescriptis statutis noluerit obedire, sciat se alienum esse a consortio sancte Dei ecclesie et a participatione corporis et sanguinis Domini nostri Iesu Christi per auctoritatem beati Petri apostoli, nisi digne emendauerit quod contra Dei ecclesiam fecisset.CURSE

Ego Ecgbert rex. + Ego Æthelwlf filius regis. + Ego Ælfstan episcopus. + Ego Rethun episcopus. + Ego Kinred episcopus. + Ego Wlflaf abbas. + Ego Eadwald abbas. + Ego Wlfhar dux. + Ego Osmod dux. + Ego Wigferd dux. +Et multi alii hanc libertatem prescriptam cum his testibus infra nominatis firmiter in Iesu Christo cum signaculo sancte crucis confirmantes roborauimus.