Schapwik.

Ego Athelardus rex Westsaxona . simulque regina Fridogiþa terræ partem quæ appellatur Pouholt . id est sexaginta manencia . cum consensu nostrorum episcoporum Danielis ac Fortheres . optimatumque . pro redemptione animarum nostrarum in possessionem stabilem familiæ . quæ in monasterio Glastingaburi sub religioso abbate Cengislo fideli Deo famulatur obsequio . liberali confirmamus munificentia . ita ut ex hoc inconvulso jure prefata possessio ipsius monasterii usibus mancipetur . unde ad amplioris adstipulacionis documentum subscripcionum contestacionibus hanc ipsam roborare decrevimus donacionem hocque ipsum idoneorum quoque testium solenni subrogata a titulacione firmari curavimus. Quapropter si quis quovis deinceps tempore . tirannica fretus insolencia . sub qualibet occasione . interrumpere atque in irritum deducere insolubile placiti istius testamentum nisus fuerit . sit a consorcio piorum ultimi examinis ventilabro dispertitus . rapaciumque collegio conbinatus violentiæ suæ pænas luat. Si quis vero benivola pocius preditus intencione hæc probare ac defendere studuerit . videat bona domini in terra vivencium. Huius donacionis cartula conscripta ac promulgata est anno ab incarnacione Christi dcc . xxix .DATING CLAUSE sub presencia regis Athelardi venerandorumque antistitum Danielis atque Fortheris . optimatumque quorum nomina infra cum propriis indita subscripcionibus in loco . qui appellatur PencrikPROMULGATION PLACE. evidencioris indicii documentum prestant

+ Ego Athelardus rex propriæ manus subscripcione hanc donacionem ratam fieri decerno.
+ Ego Fridogitha regina consensi et subscripsi.
+ Ego Beornfrithus abbas consensi et subscripsi.
+ Ego Daniel . plebis Dei famulus . hanc donacionem canonice confirmavi.
+ Ego Fortherus episcopus confirmans subscripsi . et omnes principes consenserunt et confirmaverunt.

Sunt autem territoria istius agellis præfati habet ab oriente Chalkbrok ab austro dirimit Carswelle in Cari et Cari usque in locum que dicitur Chedesie et habet ab occidente territoria que pertinent ad Cosingtone ab aquilone partem dimidiam paludis.BOUNDS