Endorsement (s. x): Norð Stur

+ Ego Æthilbalt domino donante rex non solum Marcersium sed et omnium provinciarum quæ generale nomine Sutangli dicuntur pro remedio animæ meæ et relaxatione piaculorum meorum aliquam terræ particulam id est . x . cassatorum venerando comite meo Cyniberhhte ad construendum cænubium in provincia cui ab antiquis nomen inditum est Husmeræ . juxta fluvium vocabulo Stur , cum omnibus necessariis ad eam pertinentibus cum campis silvisque cum piscariis pratisque in possessionem æcclesiasticam benigne largiendo tradoDISPOSITIVE WORD . Ita ut quamdiu vixerit potestatem habeat tenendi ac possidendi cuicumque voluerit vel eo vivo vel certe post obitum suum relinquendi . est autem supradictus ager in circuitu ex utraque parte supranominati fluminis habens ex aquilone plaga silvam quam nominant cynibre ex occidentale vero aliam cui nomen est . moerheb . quarum pars maxima ad præfatum pertinet agrum .

Si quis autem hanc donationem violare temptaverit sciat se in tremendo examine tyrannidis ac præsumptionis suæ Deo rationem terribiliter redditurum . CURSE

Scripta est autem hæc cartula anno ab incarnatione domini nostri Jhesu Christi septincentissimo tricessimo . ui indictione quarta .DATING CLAUSE

+ Ego Ætdilbalt rex Britanniæ propriam donationem confirmans subscripsi .
+ Ego Uuor episcopus consensi et subscripsi .
+ Ego Uuilfridus episcopus jubente Æthilbaldo rege subscripsi .
+ Ego Æthilric subregulus atque comes gloriosissimi principis Æthilbal[di] huic donatione consensi et subscripsi .
+ Ego Ibe ac si indignus abbas consensi et subscripsi .
+ Ego Heardberht frater atque dux præfati regis consensi et subscripsi .
+ Ego Ebbella consensum meum acomodans subscripsi .
+ Ego Onoc comes subscripsi .
+ Ego Oba consensi et subscripsi.
+ Ego Sigibed consensi et subscripsi .
+ Ego Bercol consensi et subscripsi .
+ Ego Ealduuft consensi et subscripsi .
+ Ego Cusa consensi et subscripsi .
+ Ego Pede consensi et subscripsi .

Est autem agrum in memorata silva moreb cui vocabulum est brochyl quem ego Edilbalt rex suutanglorum fidele duce atque comite meo Cyniberhttæ in jus ecclesiasticam cum supradicto agro largiendo donaviDISPOSITIVE WORD .