Archive: Abingdon

A.D. 699. Ine, king of the (West) Saxons, to Hean, abbot; restoration of land at Abingdon, Berks., for the construction of a minster, with an account of the early history of Abingdon Abbey, including mention of grants of land by the river Thames, at Bestlesford (near Basildon) and at Bradfield, Berks. Latin.

 

In nomine Domini Dei nostri Iesu Christi saluatoris.INVOCATION Ea que secundum decreta canonum salubriter decernuntur, quamuis sermo tantum ad testimonium sufficeret, tamen pro incerta futuri temporis ambiguitate firmissima litterarum astipulatione roborentur.PROEM Quapropter ego Ini rex Saxonum terram iuxta Abbendune .clxxiii. cassatorum Hean abbati libenter reddidiDISPOSITIVE WORD, quam Cissa rex sibi ac Cillan sorori sue atque abbatisse aliquando dederat. Sed Ini rex eandem terram postea dum regno potiretur diripiens ac rei publice restituit, nondum constructo monasterio in ea nec ullo admodum oratorio erecto; rursus ad edificandum in ea monasterium eidem Hean, patricio tunc temporis suo, eandem terram redonauit, dicens: Ego Ini monarchus Saxonie, regnante Domino regalia gubernans sceptra, terram quam predecessores mei Cissa et ceteri Hean patricio sueque germane Cillan dedisse noscuntur, iterum cum consilio plurimorum reddo et relinquo. Deinde predictus patricius Hean se cum omni facultate sua et prefata terra omnipotentis Dei seruitio subdidit, meque ad construendum monasterium illud in loco supra nominato id est iuxta Abbendune regulariterque regendum illud abbatem elegit, sponteque sua seipsum meo regimonio commisit uotoque monachico constringens. At nunc, nondum euoluto ad integrum quinquennio ex quo hec uota uouit, soluenda immutare decreta cupiens, Inique regem in suffragium sibi repetite hereditatis assumpsit, quibus ego libenter cessi prefatamque terram et monasteria que construximus ut dixi in toto retribuam. Insuper et de orientale parte fluminis Tamise .xx. cassatos quos mihi Cuthredus regulus et Merciorum rex Ethelredus necnon et Ini rex Saxonum tradiderunt adiciam, .x. quoque cassatos secus uadum Bestlesford et .c. in Bradenfeld ubi monasterium erexi, quos Ini et Coenred simul dederunt pariter tribui, qui fiunt(?) simul .cclxxiii. cassatos. Uotum autem monachi quo mihi spopondit relaxans, clementer indulsi, presente uenerando antistite Hedde necnon Aldelmo abbate et Wintra et omni familia nostra in ecclesia. Si quis uero contra hoc decretum abbatatus uenire temptauerit, uel has donationes regum religiosorum tirannica fretus potestate uiolenter demere uel auferre satagerit, sciat se coram Christo rationem in ultimo uiuorum et mortuorum examine redditurum. Scripta est uero hec cautionis singrapha anno ab incarnatione Christi .dcxcix, indictione .xii.DATING CLAUSE

+ Ego Ine rex consensi. + Ego Athelbald rex subscripsi. + Ego Daniel episcopus subscripsi. + Ego Befpha subscripsi. + Ego Egfrid subscripsi. + Ego Herrid subscripsi. + Ego Aldbriht subscripsi. + Ego Sranglic subscripsi. + Ego Halda subscripsi. + Ego Oba subscripsi. + Ego Oba subscripsi. + Ego Selred subscripsi. + Ego Egbrith subscripsi.