Archive: Muchelney

A.D. 693 = ? 692 (30 Dec.). Ine, king of the Saxons, to Froda, abbot; grant of 40 hides (cassati) by the river Isle, and a wood called Stretmerch, Somerset. Latin.

 

Carta Yny Regis de Yle.

Solet plerumque contingere ut beneficia predecessorum in futura posterorum progenie velud cece caliginis velamine occultata tegantur ; si indiciis literarum sub testimonio plurimorum minime roborata fuerint.PROEM Qua propter gubernante domino atque jubente pontifice nostro þeodi oportet hanc diffinicionis donacionem scriptis inextricabiliter confirmare quam Yny rex saxanorum rogante patricio suo Usibuco precioque dato abbati Frodi pro anima sua dedit id est aliquam partem terre in quadraginta casatos. In qua donacione hiis verbis ita usus est coram illustrium virorum multitudine. Ego tibi hanc terram donans impendoDISPOSITIVE WORD pro vite eterne amore ut subjecta sit dominio gubernacionis tue et subdita juxta morem privilegii atque possesio monachorum jure perpetuo. Et nullus regum succedentium audeat hanc donacionem irritam facere aut frangere tyrannica potestate fretus. Que videlicet terra hiis locorum indiciis designatur. Nam triginta septem casati sunt in plaga orientali a ripa fluminis Yle et ex utraque parte vie publice, tres vero in parte occidentali fluminis Yle cum silva que dicitur Stretmerch. Terra vero hec extenditur usque ad fines quos antiquitus priscis temporibus priores nostri designando fixerunt. Hec vero diffinicio donacionis scripta est anno DCXCIII incarnacionis Christi indiccione sexta iij Kal: Januarii.DATING CLAUSE Si quis vero hanc privilegii donacionem voluerit irrita facere sciat se rationem reatus sui domino Deo nostro in tremendo judicio redditurum.CURSE