LIBERTAS QVAM ATHELBERTVS REX CONCESSIT SCIREBURNENSI ECCLESIE .

+ Regnante in perpetuum domino nostro Ihesu Christo.INVOCATION

Ricsiendum urum Dryhtne hælendum Criste in ecnisse . ðæm hiehstan 7 ðæm untosprecendlican ealra þinga . 7 ealra tida scippende . se þe on manegum ðingum his mihtum setteþ 7 waldeð . Eac swylce ðam ure hefenlican 7 þæm unasecgendlican rice . þætte he ðisses lifes eadinysse 7 gesælinysse on ænigum þingum ne forlæte . For þon ic Æþelbreht mid Godes gife Westsaxna kyning witoðlice ic þence 7 me on gemynde is mid þissum eorþlicum ðingum þa ecelican gestreon to begitanne . Sicut Salomon dixit . redemptio anime proprie diuitie . Swa swa Salomon cwæþ . ðæt we sceoldon mid urum spedum urum saulum þa ecen gesælinesse begitan . For þon ic cuþlice mid geðeahte 7 mid geðafonge 7 leafe minre biscepa 7 ældormanna . 7 nohte þon læs minra broðera . Æþelredes 7 Ælfredes . 7 ealra þara selestena witona ures rices . Ic forgyfo for me selfne . 7 for mine þa liofestan lifiende frynd . 7 eac swylce for arwuþnesse Æþelwulfes saule mines fæder . 7 Æþelbaldes mines broþor . soþlice þisne freols . to þære halgan stowe æt Scireburnan ðær Æþelbaldes cyninges lichama hine resteð . þæt hit sy fæstlice 7 unanwended 7 ecelice gefreod . alra cynelicra 7 alra domlicra þeowdoma . ge ðeoffenges . ge æghwelcre ieðnesse ealles worldlices broces . nymþe fyrde 7 brycge weorces . Gyf hwa þonne sye þæt he hine for Godes lufan to þan geeaðmedan wille þæt he þas ure gyfe geieacnan wille oððe gemonifældan wille . geiece him ælmihti God eal god her on worlde . 7 his dagas gesundfulle . Gyf þanne hwilc man to þan geþristlæce oððe mid deofles searwum to þam beswicen sye þæt he þis on ænigum þingum lytlum oððe myclum þence to gebrecanne oððe to onwendanne . wite he þonne þæt he þæs riht agieldende sie byforan Cristes ðrymsetle - þonne ealle hefonware 7 eorþware on his andweardnesse beoð onstyrede 7 onhrerede . nymþe he hit ær her on worlde mid ryhte gebete.

Ðis wæs gewriten þæs gære þe wæs agan fram Cristes acennednesse eahta hund wintra 7 feower 7 sixtig . 7 in þam tacencircole þæt twelfte gear . ðe dæg wæs septimo kalendis Ianuariis .DATING CLAUSE Þis wæs gedon in þam cynelican setle on þære stowe ðe is genæmned Dornwara ceasterPROMULGATION PLACE . beforan þissum witum geþafigendum þe hære namon her benioþan gewritene 7 gesewene siondon.

+ Ic Æþelbreht cyning mid þære halgan rode tacne þis het swiþe geornlice getrymman 7 gefæstnian.
+ Ic Alhstan . episcopus .
+ Ic Eanwulf . dux .
+ Ic Ælfstan . dux .
+ Ic Æþelred . filius regis .
+ Ic Ælfred . filius regis .
+ Ic Osmund . minister .
+ Ic Wulfhere . minister .
+ Ic Alhhard . abbas .
+ Ic Heahmund . presbiter .
+ Ic Hwita . prepositus .
+ Ic Cyma minister .
+ Ic Wulfred . minister .
+ Ic Ecgbreht . minister .
+ Ic Monnel . minister .
+ Ic Eadwulf . minister .
+ Ic Wistan . minister .
+ Ic Æþelwulf . minister .
+ Ic Wynsige . minister .
+ Ic Goda . minister .
+ Ic Coenwald . minister .
+ Ic Æþelric . minister .
+ Ic Wulfhelm . minister .
+ Ic Beocca . minister .
+ Ic Æþelmod . minister .
+ Ic Beorhtnoþ . minister .
+ Ic Denegils . minister .
+ Ic Hunred . minister .
+ Ic Ecgulf . minister .
+ Ic Ælfhere , minister .

Þa æfter þyssum hit gelamp þan ilcan geare þæs þe þis on midne winter wæs gedon . þæt Æþelbreht se cining on frigedæg twam nihtum ær estron þisne freols mid his agenre hande unnende mode ufan in þone heah altare alegde æt ham æt Scireburnan - in andweardnesse ealre þære broþorlican gesamnunga ealdra 7 giongra . 7 eac swylce his mægan Æðelredes 7 Ælfredes . 7 his oþræ witona þe þær þa mid him wæron . for hine selfne lifigende . 7 for his twegen broþre þe þæt þa andwearde stodon . 7 for hyra ealra fæder saule Æþelwulfes cyninges . 7 Æþelbaldes cyninges hyra broþor þe his lichama in þære stowe resteð . He þisne freodom on ælmihtiges Godes namon 7 on ealra his halgra fæstlice bebead . þæt hine nan his æfterfylgendra eft ne onwende . ne on anegum dælum læssan ne on maran hine ne on cyrde . ac he swa ecelice forþ þurhwunedæ . swa lange swa God wolde þæt Cristen geleafa mid Eongolcynne untosceacen weoxa . Ealra þara worldcundra hefinesse þe her beforan nemde syondon . 7 se hæbbe Godes miltse 7 his halgra . se þe þis mid Gode trymman wille 7 healdon . Gyf þonne hwa sie þæt he þis on ænegum dæle wanian þence oððe brecan . þanne næbbe he naþer ne Godes miltse ne his haligra . nymþe he hit ær mid ryhte gebete . Þis wæs gedon beforan ðære gewitnesse þe hyro naman her bynyoþan gemearcode standað .

+ Ic Æþelbreht . rex .
+ Ic Alhstan . episcopus .
+ Ic Æþelred . filius regis .
+ Ic Ælfred . filius regis .
+ Ic Heahmund . presbiter .
+ Ic Osmund . minister .
+ Ic Beorhtmund . minister .
+ Ic Cyma . minister .
+ Ic Ecgbreht . minister .
+ Ic Babba . minister .
+ Ic Mucel . minister .
+ Ic Cynelaf . minister .
+ Ic Torhthelm diaconus prepositus .
+ Ic Burhghelm . presbiter .
+ Ic Heoteman . presbiter .
+ Ic Rædnoþ . presbiter .
+ Ic Æþelheah . presbiter .
+ Ic Oswuulf . presbiter .
+ Ic Wistan . presbiter .
+ Ic Ceolmund . diaconus .
+ Ic Luhha . minister .
+ Ic Beorhtwulf . diaconus .
+ Ic Ceolred . minister .
+ Ic Eanwulf . minister .
+ Ic Ealhferþ . minister .
+ Ic Ceolwulf . minister .
+ Ic Cynemund . minister .
+ Ic Ealhstan . minister .
+ Ic Æþelmund . minister .
+ Ic Ceofa . minister .
+ Ic Duda . minister .
+ Ic Wulfheard . minister .
+ Ic Herewulf . minister .
+ Ic Æscmund . minister .
+ Ic Ceolred . minister .
+ Ic Burhgred . minister .
+ Ic Wulfric . minister .
+ Ic Cyrred . minister .
+ Ic Æþelwulf . minister .
+ Ic Ceolhelm . minister .
+ Ic Eadulf . minister .
+ Ic Ealhstan . minister .
+ Ic Ecgstan . minister .
+ Ic Heorhtric . minister .
+ Ic Ceolheah . minister .
+ Ic Wulfheah . minister .
+ Ic Eardulf . minister .
+ Ic Cuðred . minister .