In nomine domini et saluatoris nostri Ihesu Christi.INVOCATION

Þis gewrit cyð ðæt Æþeluulf cyning geuðe Gode 7 Sancte Petre 7 þæm hiwum on Wintacestre on ealdan mynstre twentigra hida landes æt Wænbeorgon ða ða he teoðode gynd eall his cynerice ðone teoðan dæl ealra his landa m[id] his witena geþehte into halgun stowun Gode to lofe 7 his sawle to ecre al[y]s[e]d[nesse] 7 he bead on Godes ælmihtiges naman 7 on ealra his haligra ðæt na[n cyn]ing ofer his timan ne nan oðer man þis næfre ne awende ac ðæt seo ar æ[fre] unbefliten hyrde into þære halgan stowe . 7 gif hit hwa awende þæt he wære on Godes awyrgednesse 7 sancte Petres ge on life ge æfter life butan he hit gebette 7 þis wæs gedon ðæs geres ðe wæron agane ehta hund gera 7 feower 7 fifti [g]eara æfter Cristes acynnednesse on þara witena gewitnesse þara naman her beneoðan awritene standað:

Æðeluulf rex
Alhstan episcopus
Suiðhun episcopus
Æþelbald dux
Eanuulf dux
Æþelberht dux
+ Osric dux
+ Wulfhere dux
+ Lullede dux
+ Uullaf abbas
+ Uuærferð abbas
+ Æðered filius regis
+ Ælfred filius regis
+ Esne minister
+ Cyneuulf minister
+ Cyneheah minister
+ Alhstan minister
+ Ealdred minister