Rubric: Hec est carta Brihtrici regis.

In nomine omnipotentis piisimi genitoris, qui cunctorum bonorum donator est et conseruator poli, hiemisperii, orbisque arui, ponti, fluminum creator et gubernator atque solus tocius mundi monarchiam tenens. Sub cuius nutu ac dominice defensionis almigera dexteraINVOCATION ego Brihtricus rex, regni regimonia dispensans, aliquam portionem terre deuoto et cum omni studio in nostro affectu fidelissimo Lullan principi, quam ex sua propria facultate in pecunia conprobata et beneplacita adquirendo plenissimo precio a nobis comparabit, ubi nota appellatione Saxonice Eastun dicitur, ut puta .x. mansionum, ad possidendum, donandum, cum omnibus ad se pertinentibus, campis, siluis, uel post se relinquendum ubicumque aut cuicumque uoluerit in ius proprium, cum auctoritate harum litterarum et cirographorum ast infracaractarum testium tradendo firmiter signo alme crucis donaboDISPOSITIVE WORD et roborabo. Hec autem donacio in uilla puplica firmata est et peracta anno dominice incarnationis .dccci., indiccione .ix. et nostri regalis imperii ab alto celorum culmine concessi .xii. Huius uero agelluli hec sunt certa termina. In septemtrionali parte continet hyþwaldanhlau, et in aquilonali plaga ipsius aggeris uia publica portendit a borea usque in orientalem finem contra solis ortum oþ suiran, et sic ab euro in australem plagam per uallem unam usque ad stagnum quendam cuius uocabulum est ceabban solo, ab ipso uero loco rectissimo tramite per unius sepis longitudinem tenendo peruenit at hwatelege gæte ultra bradanleah, et sic ab ipso confinio ab affrico uel a fauno habet eodem longitudine portendente sepe transuersum horsanleah certissimum terminum usque ad gumanedisc. Deinde uero ab gumanedisce in ipsam occidentalem plagam a meridiana parte super heigdune aptissimo cursu contra solis occasum ad bican stapule conpetenter uertit. Tum itaque regirando a bicanstapole per profunditatem et in edietatem unius uallis iuxta uno acerbo lapidum quem nos stancestil uocamus, a curio habet cothongian et ita ad supradictum locum circumgirando a cothongian usque ad hythwaldanhlau reuertit.BOUNDS Et hanc donationem ab omnibus terrenis difficultatibus liberabo, extra expeditione et pontis factione. Si uero quis obstinata contumatia hanc nostram donationem et fidelissimorum uenerabilium uirorum, episcoporum ac optimatum nostrorum testimonium uel adfirmationem quorum nomina in margine istius pagelle repperiuntur minuere temptauerit, sciat se canonice subiacere sentencie et a nostra in hoc seculo uel in futuro communione esse priuatum, et rationem in die iudicii redditurum, nisi prius Deo et hominibus iusto iudicio emendauerit. Qui hec impleat que donamus seu augeat, premia in futuro cum omnibus mercedem a Deo suscipientibus mereri optamus, qui remunerat omnes iuste et pie uiuentes et recte agentes, qui solus iustus pius misericors semper permaneat sperantibus in se.

+ Ego Beorhtricus rex tradendo et confirmando signum crucis aravi.
+ Ego Eadburg regina consensi et subscripsi.
+ Ego Cynebeorht episcopus consensi et subscripsi.
+ Ego Wigbeorht episcopus consensi et subscripsi.
+ Ego Wor princeps subscripsi.
+ Ego Wiohstan princeps subscripsi.
+ Ego Wigfreth princeps consensi et subscripsi.
+ Ego Wiohtbrord princeps consensi et subscripsi.
+ Ego Æse princeps subscripsi.
+ Ego Ealhmund princeps subscripsi.
+ Ego Lulla princeps subscripsi.