Rubric in MS 1: Offa cing bocade 7 gaf croppaðorn into wirecestre.

Rubric in MS 2: De Croppethorne

In nomine omnipotentis Dei et domini nostri Jhesu Christi qui vivit in sæcula .INVOCATION Ego Offa Dei gratia concedente rex Merciorum simulque in circuitu nationum . sciens certe quod cuncta quæ humanis conspiciuntur optutibus transitoria esse . et quæ conspici non possunt æterna fieri . Et quod cum his transitoriis æterna mercari possunt . Ideoque pro mea meorumque propinquorum perpetua animæ salute daboDISPOSITIVE WORD libenti animo ad episcopalem sedem Wigorcestrensis æcclesiæ petitione venerabilis episcopi Tillherii regalem vicum . Cropponþorn nominatum . supra ripam fluminis ab incolis Afene vocatum antecessorum meorum precepto positum cum omnibus membris per loca varia fundatis . et nominibus segregatis . ad vicum eundem pertinentibus . Ad Croppeþorne . vii . manentes . ad Neoþeretune . i . æt Elmlege . ii . æt Criddesho . i . æt Ceorletune . xiiii . æt Heantune . xv . æt Benincwyrðe . x . Quæ in unum collectæ . sunt . l . manentes . Insuper dedi ad prædictam æcclesiam bibliothecam optimam . cum duabus armillis ex auro purissimo fabricatis . conditione facta inter me et episcopum ut memoria animæ meæ in prædicta æcclesia sit in æternum . Facta est autem huius telluris donatio ad Fledanburh ubi episcopus Tilhere mihi meisque optimatibus dignum preparavit convivium . Eodem namque anno prædictus episcopus ad Bregantforde venit et licentiam a me quesivit ut medietatem viculorum supra scriptorum . scilicet . xxv . manentes parentibus suis tribuere posset . et ego principum meorum consensu . petitioni episcopi ipsius consensi . eo tenore . ut quisquis habuerit aliquem ex ipsis viculis venerabili episcopo Tillhere omnibusque suis successoribus servitium faciat . in vectigalibus . et expeditionibus . omnibusque aliis subjectionibus qualescumque episcopus ipse suique successores mihi meisque successoribus persolvere debuerint . Si vero aliquis ex ipsis hominibus deliquerit . vel de patria in exilium missus fuerit . vel alio aliquo modo de honore pulsus fuerit . terra ipsa sine omni refragatione antiquæ æcclesiæ in Wigreceastre restituatur . Precipientes quoque jubemus . et auctoritate summæ et individuæ Trinitatis mandamus . ut nullus successorum nostrorum quicunque fuerit . rex . dux . episcopus . comes . vicecomes . aut aliqua magna parvave persona . hanc nostram donationem in nullo violare presumat .

Si vero quis temerarius vel avaritia diabolica seductus huic nostræ auctoritati obviare . aut eam frangere vel minuere in aliquo temptaverit . sciat se separaturum anathematis vinculo ab omnium santorum consortio . et cum angelis apostaticis infernali submersurum judicio .CURSE

Conscripta est autem huius telluris donatio . atque supradicta consensio a me atque meis principibus quorum infra signa et nomina carraxantur in loco celebri ad BregantfordePROMULGATION PLACE . Anno incarnationis dominicæ . dcc . lxxx . indictione . iii . regni mei anno . xx . iii . mense Septembri . die quo passio Thebaidæ legionis a fidelibus Dei famulis celebratur .DATING CLAUSE

+ Ego Offa Dei dono rex Mercensium . hanc meam donationem ac consensionem signo sanctæ crucis muniens confirmo .
+ Ego Kyneðryþ Dei gratia regina huic donationi et consensioni regis consensi .
+ Ego Iambertus Dorbernensis archiepiscopus consensi et subscripsi .
+ Ego Eadbertus episcopus consensi et subscripsi .
+ Ego Ceolwulfus episcopus consensi et subscripsi .
+ Ego Tilhere episcopus consensi .
+ Signum manus Bradani principis .
+ Signum manus Brihtwaldi ducis .
+ Signum manus Eadbaldi principis .
+ Signum manus Eadbaldi principis .
+ Signum manus Esnis principis .
+ Signum manus Huuithusys principis .