Archive: Shaftesbury

A.D. 759. Cyneheard, bishop (of Winchester), and Cynewulf, king, to Ecgwold, abbot, and his familia at Tisbury Minster, Wilts.; confirmation of 30 hides by Fontmell Brook, Dorset, acquired by a predecessor of Ecgwold from another monastery. Latin.

 

Rubric: + Donum regis Coin[..........] (MS damaged)

In nomine Domini nostri Iesu Christi saluatoris.INVOCATION Ea que secundum ecclesiasticam disciplinam ac sinodalia decreta salubriter definiuntur, quamuis solus sermo sufficeret, tamen pro euitanda futura temporis ambiguitatem fidelissimis scripturis documentis sunt commendanda.PROEM Quapropter ego Coinredus , pro remedio anime mee et relaxacione piaculorum meorum, aliquam terre particulam donare decreuerimDISPOSITIVE WORD uenerabili uiro Bectune abbati, id est .xxx. manentes. De aquilone riuus nomine Funtamel, ex meredie habet terram beate memorie Leotheri episcopi. Nam earundem supradictarum <terrarum> cespites pro ampliori firmitate euuangelium superposui, ita ut ab hac die tenendi, habendi, pussidendi in omnibus liberam et firmam habeat potestatem. Si quis uero episcoporum seu regum contra hanc definicionis cartulam propria temeritate uel pocius sacrilega debacacione uenire temptauerit, inprimis iram Dei incurrat, a liminibus sancte ecclesie et seperatur, et hoc quod repetit uendicare non ualeat. Ego Coinredus qui hanc cartulam donacionis mee per omnia in manu propria signaui et ad roborandum fidelibus testibus tradidi. + Ego Leotherius quamuis indignus episcopus hanc cartulam donacionis subscripsi. + Ego Cunibertus abbas subscripsi. + Ego Hadde abbas subscripsi. + Ego Wimbertus presbiter qui hanc cartulam rogante supraeffato abbate scripsi et subscripsi et ceteri. +

Hoc signum ego Cyniheardus indignus episcopus impressi ad confirmandam roborandamque hanc cartulam quam huiusmodi conscriptum esse fateor. Successor abbatis prenominati Bectuni, Catuuali nomine, dedit terram supradesignatam .xxx. manencium Wintran abbati pro pecunia sua et scripsit libellum alium donacionis huius atque possessionis suprascripte. Subtraxit tamen et donacionis prime litteras et subscripciones regum episcoporum abbatum atque principum quia inter cetera terrarum suarum testimonia hec eadem terre particula conscripta non facile potuit eripi neque adhuc potest. Et propterea decedentibus primis testibus longa deceptacio inter familias duorum monasteriorum orta est et perseuerat usque nunc. Habeant autem hanc terram semper ex quo a prefato abbate primo data est Wintran successores eius, et alterius familie et successores primum libellum que manibus predictorum testium roboratur. Iccirco ego nunc atque rex noster <et> ceteri quorum testificacio et subscripcio infra notatur reconciliauimus eos in pace, partim data pecunia, partim iuramento adhibito, in tantum ut deinceps successores Wintran abbatis, id est Eguuald et familia eius que est in monasterio quod dicitur Tissebiri, cum licencia alterius familie cui preest Tidbald abbas, habeant possideantque perpetualiter terram de qua diu altercacio erat, et presens libellum ego discripsi atque excerpsi ab illo primitus dato Betuno abbati, concedente scilicet Tidbaldo abbate et familia eius, et dedi Eguualdo abbati, testibus infra notatis consencientibus atque confirmantibus hanc scripturam, reprobantibus autem alia scriptura que sunt edita de hac terra. Et hec acta sunt <anno> ab incarnacione Domini nostri Iesu Christi .dcclviiii., indiccione .xii.DATING CLAUSE Kinewlf regis + Herewald episcopi + Scilling prefecti + Cerdic prefecti et ceteri. +