Archive: Evesham

A.D. 714. Statement by Ecgwine, bishop of the Hwicce, of the lands he acquired for the minster at Evesham, including the minster at Fladbury, Worcs. [obtained from King Æthelred (of Mercia) in exchange for the minster at Stratford-upon-Avon, Warwicks.]; 20 hides (mansae) at Twyford, Worcs. [granted by Osward, Æthelred's brother]; 84 hides on both banks of the river Avon [granted by Cenred, king of Mercia]; 8 hides [granted by Æthelric, adolescens]; and land at the following places: Evesham, Bengeworth, Hampton, Lenchwick, Mortun (probably for Norton), Offenham, Littleton, 'the other Littleton', Badsey, Wickhamford, Church Honeybourne, Bretforton, all in Worcs.; Willersey, Gloucs.; Weethley, Sambourne, Kinwarton, Salford Priors and Abbots Salford, Warwicks.; Ombersley, Oldberrow, Abbots Morton, Worcs.; Bourton-on-the-Water, Maugersbury, Adlestrop, (Lower) Swell, Gloucs.; Mappleborough, Warwicks.; and Childswickham, Worcs. Latin.

 

Eovesham.

Px Ego Ecguuinus Uuicciorum humilis episcopus , volo manifestare omnibus fidelibus Christi , qualiter per sancti spiritus inspirationem , et per labores multarum et magnarum visionum , ostensum est mihi , Quod Ego primum unum locum edificare deberem , ad laudem et gloriam omnipotentis Dei et sanctæ Mariæ omniumque electorum Christi , et etiam mihi ad eternam retributionem. Cum igitur maxime florerem in diebus Athelredi regis expetii ab eo locum qui Ethomme nuncupatur , in quo loco sancta et perpetua virgo Maria , primum cuidam pastori gregum Eoves nuncupato dehinc etiam mihi cum duabus virginibus librum in manibus tenens . apparuit . Mundavi itaque locum , opusque inceptum Dei opitulante gratia ad finem perduxi. Volo igitur ostendere omni sequenti generationi quas possessiones supradicto loco adquisivi , et ipsas terras ab omni exactione potestatum omnium adquietavi , ipsamque adquietationem apostolicis auctoritatibus et privilegiis nec non et regalibus edictis confirmari feci ut fratres secundum regulam sancti Benedicti inibi Deo servientes , sine perturbatione vitam agerent. Nomina etiam villarum volo manifestare . quas omnes liberas et juste adquisitas Deo et sanctæ Mariæ obtuli. Itaque ab Athelredo rege quoddam cænobium quod Flendaburch nominatur obtinui quod postea pro alio cænobio quod Streatforda nominatur mutavi. Post parvum vero tempus , a prædicti regis fratre Osuuardo viginti mansas in loco qui Tuiforda nominatur adquisivi. Postea vero succedente in regnum Kenredo concessit et ipse mihi , octoginta quatuor mansas super utrasque partes illius fluminis , quod Avena vocitatur. Quidam autem adolescens . Athericus nomine octo mihi mansas concessit. Sicque Deo propitio brevi tempore centum viginti mansas prædictæ Christi æcclesiæ adquisivi , sicut scriptum est et confirmatum in Chartis ecclesiæ , et in libro manifestatur terra et termini ejus , quem scripsit Brithuualdus archiepiscopus et dictavit præcepto Romani pontificis cum consensu principum totius Angliæ. Hæc vero sunt nomina villarum quas supradictum est adquisivi. Eouesham . Benincgurthe . Hantun , Lencuueke , Mortun , Vffaham , Lytletun, et alia Litletun , Baddesege . Wigorne , Huniburne . Brotfortun . Willerseye . Withelea . Samburne . Kineuuarton . Saltforde major et minor . Ambresleie . Ulbeorge . Mortun . Burchtun . Meilgaresbyri . Titlestrope . Suella major . Mapeldosbeordi . Eildesuucque. Has omnes terras ut præfatus sum , liberas ab omni calumnia adquisivi et sanctæ Dei ecclesiæ obtuli. Qui ergo locum , quem apostolica dignitas et regia potestas regiæ libertati donavit , et nos auctoritate Dei et sanctorum apostolorum donamus depravare ant minuere vel contaminare præsumpserit , judicetur ante tribunal Christi , et nunquam in Christi veniat memoriam sed nomen ejus deleatur in eternum de libro viventium et, ligetur penarum æternarum nodis in inferno , nisi in hac vita pænitens emendet. Qui vero servaverit et adauxerit benedictionibus repleatur . Fiat. Amen. Scripta est hæc charta anno dominicæ Incarnationis Septingentesimo . iiii . decimo.DATING CLAUSE

+ Ego Ecguuinus per signum sanctæ crucis has donationes confirmavi .
+ Ego Kenredus Rex subscripsi et confirmavi.
+ Ego Offa per signum crucis confirmavi .
+ Ego Brithuualdus archiepiscopus subscripsi .
+ Ego Osuuardus frater Regis confirmavi.