Archive: Sherborne

A.D. 844 (Winchester, 5 Nov.). Æthelwulf, king of Wessex, to the church at Sherborne; grant of privileges ('First Decimation'). Latin.

 

Rubric: Libertas quam Ætheluulfus rex concessit Scireburnensi ecclesie

Px Regnante domino nostro in perpetuum.INVOCATION

Dum in nostris temporibus bellorum incendia - et direptiones opium nostrarum . necnon et uastantium crudelissima depredatione hostium - barbarorum - paganorum - et gentium multiplici tribulatione affligentium . usque ad internitionem tempora cernimus incumbere periculosa .PROEM Quam ob rem . ego Æthelwlfus rex Occidentalium Saxonum cum consilio episcoporum ac principum meorum hanc libertatem ecclesie Scireburnensis sedi episcopali perpetuo iure optinendam famulis et famulabus Dei - Deo seruientibus perdonareDISPOSITIVE WORD diiudicaui . ut sit tuta atque munita ab omnibus secularibus seruitutis fiscis . regalibus tributis . maioribus et minoribus siue taxationibus . quod nos dicimus witeraeden . sitque libera ab omnibus causis regalibus - pro remissione animarum et peccatorum nostrorum Deo soli ad seruiendum . sine expeditione . et pontis instructione . et arcis munitione . ut eo diligentius pro nobis ad Deum preces sine cessatione fundant . quo eorum seruitutem secularem in aliqua parte leuigamus . Placuit autem tunc postea episcopis - Alhstano Scireburnensis ecclesie et Helmstano Wintancastrensis ecclesie - cum suis abbatibus et seruis Dei consilium iniere . ut omnes fratres et sorores nostri in una quaque ecclesia omni ebdomada mercoris die hoc est Wodnes dæg . omnis congregatio cantet quinquaginta psalmos . et unusquisque presbiter duas missas . unam pro rege Æthelwulfo . et aliam pro ducibus eius hoc dono consentientibus . pro mercede et refrigerio delictorum suorum . Pro rego uiuente ; Deus qui iustificas . Pro ducibus uiuentibus ; Pretende domine . Postquam autem defuncti fuerint ; pro rege defuncto singulariter . pro principibus defunctis ; communiter . Et hoc sit firmiter constitutum omnibus diebus christianitatis quamdiu fides crescit in gente Anglorum . Et hoc sub testimonio satrapum nostrorum plurimorum ad confirmationem . quorum nomina subter adnexa notantur.

Scripta est autem hec donationis cartula anno dominice incarnationis . dcccxliiii . indictione . iiii . die quoque nonas NouembrisDATING CLAUSE . in ciuitate Wentanee . in ecclesia Sancti Petri . ante altare capitale .PROMULGATION PLACE Et hoc fecerunt pro honore Sancti Michaelis archangeli . et Sancte MARIE regine et gloriose Dei genitricis . simulque et beati apostolorum principis . necnon et Sancti patris nostri Gregorii pape atque omnium sanctorum . Et tunc pro ampliori firmitate rex Æthelwlfus posuit cartulam supra altare Sancti Petri . et episcopi pro fide Dei acceperunt . et postea per omnes ecclesias transmiserunt in suis parrochiis secundum quod predictum est . Et qui hoc augere uoluerit . augeat Deus bona illius in regione uiuentium . Si autem aliquis diabolica frauda deceptus . in magnis aut in modicis hoc infringere uel minuere temptauerit ; sit anathematizatus ab omnibus fidelibus hic et in futuro seculo . nisi ante satisfactione emendauerit.CURSE

+ Ego Æðelwulf rex
+ Ego Alhstan episcopus .
+ Ego Helmstan episcopus .
+ Ego Æþelric dux .
+ Ego Æþelwulf dux .
+ Ego Eanwulf dux .
+ Ego Eanulf dux .
+ Ego Osric dux .
+ Ego Ceorl dux .
+ Ego Wulflaf abbas .
+ Ego Æþelmund abbas .
+ Ego Beorhthelm abbas .
+ Ego Ecgheard minister .
+ Ego Milræd minister .
+ Ego Cyneheah minister .
+ Ego Dudda minister .
+ Ego Æþelred minister .
+ Ego Aella minister .
+ Ego Cyneheah minister .
+ Ego Wulfhere minister .
+ Ego Ceolmund minister .
+ Ego Æþelbald minister .
+ Ego Osmund minister .
+ Ego Ealhstan minister .
+ Ego Eanræd minister .
+ Ego Ceolmund minister .
+ Ego Wihtgar minister .
+ Ego Lulling minister .