Archive: Canterbury, St Augustine's (ex Minster-in-Thanet)

A.D. 748 (London, May). Æthelbald, king of Mercia, to Eadburga, abbess, and her familia in the minsters of St Mary and SS Peter and Paul, Thanet; remission of half the toll due on a ship (? at London). Latin.

 

Rubric: Carta Ethelbaldi regis Merciorum Edburge abbatisse qua donauit eidem dimidium uectigal unius nauis et tributum quod sibi de iure spectabat.

In nomine Domini saluatoris nostri.INVOCATION Omnem hominem qui secundum Deum uiuit et remunerari a Deo sperat et optat, oportet ut piis precibus assensum ex animo hilariter prebeat, quomodo certum est tanto facilius ea que ipse a Deo poposcerit consequi posse, quanto et ipse libencius hominibus recte postulata concesserit, quod tunc bonorum omnium largitori Deo acceptabile fit, cum pro eius amore et utilitate famulancium ei peragitur.PROEM Quocirca ego Æthilbaldus <rex> Merciorum iuxta peticionem uestram tibi Eadburge abbatisse tueque familie conuersanti in monasterio beate Dei genetricis Marie quod situm est in insula Taneti, necnon in monasterio apostolorum Petri et Pauli quod tu ipsa non longe a predicto monasterio construxisti, unius nauis quod a Leubuco nuper emisti dimidium uectigal atque tributum quod meum erat, pro intuitu superne mercedis et amore consanguinitatis religiose abbatisse Mildrede cuius uenerabile corpus a priori sepultura translatum in ipso monasterio apostolorum decenter posuisti, accipiendum possidendumque eterna donacione concedoDISPOSITIVE WORD. Et cuicumque uolueritis heredum successorumque uestrorum seu quolibet hominum hoc ipsum de iure in re uestra perdonare liberam habeatis potestatem. Hinc igitur precipio ac precor in nomine Dei omnipotentis patriciis, ducibus, comitibus, theloneariis, accionariis ac reliquis publicis dignitatibus ut hec inoffense donacio per presentes ac posteros percurrat. Si autem contigerit ut nauis ista disrupta ac confracta sit uel etiam uetustate detrita aut omnino quod absit naufragio perdita, tunc quoque ad cumulum huiusce donacionis hoc addo et concedo, ut alia in huius donationis locum et condicionem construatur et habeatur. Et hoc non solum me uiuente in hac uita, sed etiam post obitum meum per succedentes semper generationes precipio et per Christum Iesum iudicem omnium postulo fieri. Quisquis uero heredum successorumque meorum uel aliorum quilibet hominum siue secularium siue ecclesiasticorum huic pie donationi nostre in aliqua re contraire quoquo tempore fuerit ausus, nouerit se quisque ille sit audaci malicie sue racionem esse redditurum coram omnipotente Domino nostro qui iudicabit orbem terre in equitate, reddens unicuique secundum opera sua, Iesus Christus filius Dei filiusque sancte Marie semper uirginis, cuius scilicet in prefato monasterio sacris atque magnificis indesinenter die noctuque frequentatur et adoratur precibus, iudex seculi Iesus Christus Dominus noster, Amen. Igitur manente hac cartula in sua semper firmitate quam propria manu sacro signaculo roborare curaui et testes nonnullos ut id ipsum consencientes agerent feci quorum nomina infra tenentur. Actum mense Maio in ciuitate Lundonia, indiccione .xiiii., anno ab incarnacione Christi .dccxlviii.DATING CLAUSE

+ Ego Æthilbaldus rex Merciæ suprascriptam donacionem meam signo sancte crucis in hac cartula expresso diligenter confirmaui.
+ Ego Ædbeortus rex Cantie testis consenciens subscripsi.
+ Signum manus Cuthberti archiepiscopi.
+ Signum Milredi episcopi.
+ Signum Ecguulfi episcopi.
+ Signum manus Obani ducis.
+ Signum manus Kyniberti.
+ Signum Eoppani.
+ Signum Friðurici.
+ Signum Ealhmundi.
+ Signum Panti thelonearii.