Archive: Evesham

A.D. 709. Cenred, king of Mercia, and Offa, ruler of the East Angles, to the monastery at Evesham; confirmation of 67 hides (mansae) at Evesham, Lenchwick, Norton, Offenham, Littleton, Aldington, Badsey, Bretforton, Church Honeybourne, Willersey, Wickhamford, Bengeworth, Hampton, and at Abbots Morton, all in Worcs. except Willersey, Gloucs. Latin with bounds.

 

+ In nomine patris . et filii . et spiritus sancti Amen.INVOCATION

Quoniam transeuntis quidem mundi vicissitudo cotidie per incrementa temporum crescit . et crescendo decrescit . et ampliando minuitur . crescentibus repentinis variorum incursuum ruinis finis esse cunctis in proximo cernitur . ideo vanis ac transsilibus rebus mansura celestis patriæ præmia mercanda sunt.PROEM

Qua propter ego Kenredus Dei dono Rex Mertiorum . et ego Offa divina permissione Orientalium Anglorum gubernator pro redemptione animarum nostrarum . ac prædecessorum nostrorum . et subsequentium salute donamus . concedimusDISPOSITIVE WORD in loco in quo beata virgo Maria se venerabili viro Egwino manifestavit in Homme . et præsenti libello confirmamus . ad honorem et reverentiam ejusdem Dei genitricis . lxvii . mansas ex duabus partibus fluminis quod vocitatur Avena . tres videlicet quæ sunt in Homme . in Lenchwic . i . in Nortona . vii . in Offeham . i . in Litletona . xiii . in Aldintona . i . in Baddeseia . v . et dimidiam . in Bretfertona . xii . in Huniburna . ii . et dimidiam . in Willerseia . vii . in Wicwona . iii . in Benigwrthia et in Hamtona . ix . Et ex mera liberalitate sicut dignum est . et regali munificentia prænominatas mansas ubi manifestatio habita fuisse refertur . cum ceteris partibus præassignatis regiæ libertati donamus . ac omnipotenti Deo . ac beatis apostolis ejus Petro et Paulo in perpetuum liberas commendamus . quatinus ibidem congregatio monachorum secundum regulam beati Benedicti possit instaurari . et indesinenter Christo famulari. Ad majorem autem nostræ donationis firmitudinem . in notitiam tam præsentium quam in posterum succedentium venire volumus ; quibus limitibus sacer locus quem regiæ libertati donatum Deo contulimus circumseptus includitur.

In primis á twiford ex parte australi usque in cronochomme juxta decursum fluminis ambitus loci protrahitur . ac inde juxta aquam usque ad divisionem terræ de fladeburg quæ meredic appellatur. 7 sic in directum per ascensum montis per medium ældegaren ad ealdeneswinhage . ab ealdeneswinhage ad boelagesette . á boelagesette in norþcnol . ex quo per lencdune usque ad divisiones terrarum de lench et de herverton' in wennecumbe. Inde per fulan broc 'usque' in harenwilles . 7 ab harenwilles in carkeforð . at inde in goldewelle . 7 sic in longum rivuli ; usque in smalemoresyc . at inde in avenam . 'et sic' in offepole . ab offepol in pikereshomme . a pikereshomme in burglences . ahlence in ealdenedune . ab ealdenedune in ealdenemyxan . ex quo 'in' buggildestret in semeslod . ac inde in chirchestige . a chyrstige in flittindgare. 7 sic in blackanpyt.BOUNDS

A parte tamen orientali non longe . a blakenepyt in mere þurne . á mere wurne in huniburne , ex quo per norðamere in easthammore . Inde in circuitu prati de poddenho . dehinc in podemore . 7 sic in herienhale . iterum in huniburne in longum rivuli usque ad staniteforð . Iterum in buggildstret versus scenedune . at inde in merðbroc . á mere broc in mere dic . 7 sic in winburne ; in lales þorn . á lales þorn in lauergeboerge a lauerkeboerge in poddenhomme . á poddenhomme in polðorne a polðorne in merebroc . 7 sic in stanitun hullessyce . á syce in buregwelle . á buregwelle in buregwalles . ac inde in ealdegare quod indigenæ nannesmonnesland vocant secus buggildestret ex quo á parte occidentali usque ad boerges . a boerges in halwichestan . ab alwichestan in cademunstre . á cademunstre in blechemere . á blechemere in bracedestane . a bracedestane in ealdgare in willerseiam . á willerseia in sondbroc . ex quo in hegeweie . 7 sic in norðhomme . a norðhomme in brerþurne . dehinc in hecheneige . ab echeneige in badeswelle . á welle in litleþurne . a þurne per pichedesho in prestesmede . at inde in mereþorne . a mereþorne in brodemere . a brodemere in æst merelowe . inde in poticot . á poticot in þrittiacre. 7 sic in rugweie . a rugweie in meredic . a meredic in wadberegwe . a beregwe in lihte mede . Iterum per meredic in esenburnen . Iterum in meredich . deinde in wurtemede . 7 sic in merebroc . per merebroc usque in domnipol . ex quo in hallesborge . ab hallesborge in merewelle . a mereswelle iterum in avenam .BOUNDS

Volumus insuper ac decernimus in nomine domini terram quinque cassatorum quæ Mortona nuncupatur . eadem libertate inperpetuum gaudere . quam quidem terram ego Kenredus rex Mertiorum anno dominicæ incarnationis . dcc o. iii o.DATING CLAUSE cum jam una cum venerabili viro Egwino episcopo apostolorum limina visitare disponerem . inter quædam alia donaria ad fabricam monasterii construendi in Homme concessiDISPOSITIVE WORD eidem . et sub testimonio plurium potentum meorum scripto confirmavi. Statuimus igitur in nomine domini . et in virtute Dei summi præcipimus tam viventibus quam domini prædestinatione nobis in posterum succedentibus ut huius donationis seu libertatis statuta ad irritum deducere minime quispiam audeat.

Si quis autem hoc nostræ munificentiæ donum depravare vel diminuere, seu quolibet modo alienare versutus attemptaverit . deleatur nomen ejus de libro vitæ . et æterna miserimus cum complicibus suis dampnatione puniatur . nisi prius satisfactione digna emendaverit . quod contra nostrum decretum obstinatus præsumpsit. Amen. CURSE

Acta sunt hæc anno dominicæ incarnationis .dccix.DATING CLAUSE in æcclesia salvatoris Laterana . confirmante Constantino Romanæ sedis antistite . astantibus et confirmantibus regibus Angliæ Kenredo . et Offa . rogante venerabili viro Egwino episcopo cum pluribus archiepiscopis . et episcopis . principibus . ac nobilibus diversarum provintiarum . cunctis clamantibus et dicentibus. 'Nos hanc voluntatem et regiam liberalitatem laudamus . donationibus ac libertati consentimus.'

Ego Constantinus Romanæ sedis episcopus per hoc signum . + . sanctæ crucis has donationes . et libertatem hanc confirmavi .
+ Ego Egwinus episcopus humilis confirmavi .
+ Ego rex Kenredus corroboravi .
+ Ego rex Offa consensi.