Archive: Canterbury, St Augustine's (ex Minster-in-Thanet)

A.D. 694 (17 July). Wihtred, king of Kent, to Æbba, abbess; grant of 4 sulungs (aratra) at Humantun in Thanet, Kent. Latin.

 

In nomine Domini Dei saluatoris.INVOCATION Ego Uuihtredus rex Cantie una cum coniuge mea Kinigitha regina, referens gratias largitori bonorum Domino qui dilatauit terminos nostros iuxta paternam antiquitatem, in commune pertractauimus aliquam partem terre nobis conlate ad uicem impendere, ne ingrati beneficiis uideremur largitoris nostri. Qua de re a presenti die et tempore tibi religiose Æbbe abbatisse Deoque dicate femine terram iuris nostri que sita est in insula Teneti, que quondam appellata est Humantun, aratrorum .iiii., contulimus inperpetuum possidendamDISPOSITIVE WORD, ut cum omnibus ad eandem pertinentibus, pratis, campis, fontanis, siluis, piscariis, fluminibus, marisco et quicquid ad supradictam terram pertinet, a .iiii. partibus, orientis, occidentis, aquilonis et meridiei, tuo usui dicionique subicias, teneas, possideas, dones, commutes, uenundes uel quicquid exinde facere uolueris liberam habeas potestatem successoresque tui defendant inperpetuum. Numquam me heredesque meos contra hanc cartulam descriptionis nostre aliquando esse uenturos. Ad cuius cumulum etiam affirmationis cespitem huiusc supradicte terre super sanctum altare posui et propria manu pro ignorantia litterarum signum sancte crucis in hac cartula expressi. Sed et Kinigitha id ipsum fecit principesque meos ut pari modo propriis manibus facerent rogaui, quorum nomina subtus annecta sunt. Si quis quod absit contra hanc cartulam a me factam uel heredes mei contraire presumpserint, nouerint se a participatione corporis et sanguinis Domini nostri Iesu Christi esse alienos et a cetu fidelium segregandos hic et in eternum. Quam sepedictam cartulam scribendam dictaui et tibi Eabbe abbatisse tradidi conseruandum. Actum .xvi. kalendas Augusti, indictione .vii., anno regni nostri tertioDATING CLAUSE.

+ Signum manus Wihtredi regis.
+ Signum manus Kinigithe regine.
+ Signum manus Bernhardi.
+ Signum manus Alhuuardi.