Archive: Canterbury, St Augustine's

A.D. 618. Eadbald, king, to the minster of SS Peter and Paul (St Augustine's), Canterbury; grant of 30 sulungs (aratra) at Northbourne, Kent. Latin.

 

In nomine patris et filii et spiritus sancti.INVOCATION Ego Eadbaldus rex gloriosi regis Æðelberti filius, quem protodoctor et apostolus Anglorum Augustinus cum suo regno ab eternis infernorum cruciatibus eripuit et dealbatum fonte baptismatis sanctorum collegio copulauit, per uenerabilem Laurentium beati Augustini discipulum, quem ipse pater nouelle adhuc Anglorum ecclesie sibi successorem in archiepiscopatum ordinauerat, tandem sermonibus assiduis et signis ac plagis in se ipso pro me passis ac ostensis a uolutabro scelerum lotus et ad agnitionem creatoris omnium creaturarum promotus, Dominum Deum meum recognosco et adoro. Proinde ego Eadbaldus , in solio paterno confirmatus, patris uestigia imitans et ecclesias Dei quas uiriliter instantia patris Augustini fundauit et terris multisque honoribus ditauit augens et confirmans, monasterio apostolorum Petri et Pauli in suburbio Dorouernie ciuitatis fundato et prerogatiuo ecclesiastice libertatis priuilegio munito terris ac uariis honoribus ditato, ad honorem Dei et sanctorum apostolorum sanctique Augustini , pro remedio anime patris mei meeque parentumque meorum, gratanter concedo et amicabiliter doDISPOSITIVE WORD quandam partem terre regni mei, .xxx. aratrorum nomine Northburne, in usum monachorum ibidem Deo famulantium, ubi ipse pater Augustinus et pater meus requiescunt, ubi etiam archiepiscopos et reges sibi succedentes requiescere decreuerunt, ubi et corpus meum sepeliri precipio. Hanc autem prefatam terram in omnibus ad se pertinentibus, pascuis, paludibus, pratis, siluis ac finibus maritimis ita liberam ac quietam dono ac dito, sicut pater meus aut ego unquam liberius habuimus. Huius donationis confirmationem tropheo agie crucis + et carta mea regia consignaui, assidentibus et collaudantibus archiepiscopo, baptista scilicet meo, Laurentio et subscribente cum regina mea Æmma filiisque meis Egfrido ac Ercumberto , cum duobus episcopis Mellito Lundonie et Iusto Roffensis ecclesie ceterisque multis comitibus et optimatibus meis confauentibus et subscribentibus, in huius donationis fautores et auctores uitam eternam optantibus, in inuidentes seu minuentes Dei omnipotentis et sanctorum apostolorum et patris nostri Augustini terribilem interminationem.

+ Ego Laurentius gratia Dei archiepiscopus signo sancte crucis sicut regem uidi facere hoc donum confirmo.
+ Ego Emma Francorum regis filia et regis Eadbaldi copula uexillo adorande crucis armaui.
+ Ego Mellitus Lundonie episcopus signo sancte crucis que uidi astipulor.
+ Ego Iustus Roffensis episcopus laudo et subscribo.
+ Ego Egbertus signo crucis libenter corroboro.
+ Ego Ercumbertus attestatione uenerande crucis gratanter concedo contestor et subscribo.
+ Ego Suueardus consensi.
+ Ego Guthardus subscribo.

Actum est autem anno ab incarnatione saluatoris nostri Iesu Christi sexcentesimo octauo decimo, indictione .iiii.DATING CLAUSE